Pepindhan

PEPINDHAN

Yaiku unen-unen kang ngemu surasa nindhakkake utawa ngemperake. Lumarahe nggunakake tembung kaya, lir, pindha, kadi, kadya.

Tuladha :

1.      Tandange kaya sikatan nyamber walang

Tegese : trampil, cepet, trengginas. Tandange diemperake kaya manuk sikatan sing mabure nyamber walang

2.      Sumbare kaya bisa mutung wesi gligen

Wesi gligen iku wesi sing a lot lan atos banget lan angel ditugel. Mulo yen sumbare kaya bisa mutung wesi gligen tegese wong kaya mau ampuh banget.

Tuladha liyane :

1.      Begjane kaya nemu cempaka sewakul

2.      Gagah prakosa kaya Raden Wekudara

3.      Baguse kaya Bathara Kamajaya tumurun

4.      Swarane kaya mbelah-mbelahna bumi

5.      Akehe pepati kaya babadan pacing

6.      Akehe pepati kaya sulung mlebu geni

7.      Ayune kaya Dewi Ratih

8.      Bungahe kaya ketiban daru

9.      Bebetane ngadhal melet

10.  Cethile kaya Cina craki

11.  Cahyane nglentrih kaya rembulan kerinan

12.  Dandanane kaya tutus / tutus kacang

13.  Dhuwur kaya othak-othak mega

14.  Dedege ngringin sungsang

15.  Dawane barisan kaya sela brakhiti

16.  Galake kaya macam manak

17.  Geger pepuyengan kaya gabah diinteri

18.  Gelunge minangkara (gelunge para pandhawa kajaba R. Puntadewa)

19.  Gendewane awangun kadhal meteng

20.  Gereng-gereng pindha singa antuk boyongan

21.  Ijo kumpul ijo kaya bethet sayutha

22.  Ireng kumpul ireng kaya gagak reraton

23.  Jogede kaya merak kesimpar

24.  Jogede mucang kanginan

25.  Lelajere kaya manuk branjangan