Wacanen cerkak ing ngisor iki !
HAPENE GENJUR
Menyang sekolahan nggawa handphone
utawa hape pancen lagi ngetrend. Nek gak nggawa hape jare kurang gaul ! Mula,
bocah-bocah SMP Negeri panggonane Haryo, Genjur lan Bejo sekolah ya wis akeh sing nggawa
hape menyang sekolahan. Kae delengen ! haryo ing wektu ngaso kuwi wis mencet-mencet keybad
hapene dikancani Genjur lan Bejo sing ndeleng kanthi rasa iri. Sawetara kuwi,
bocah-bocah liyane uga asyik berhape ria.
Haryo mesem kecut nalika mbukak
es-em-es saka Pipit. Mau kirim es-em-es menyang Pipit. Tulisane: Pit, aku digarapke PR matematika ya! Yen
kowe ana dhuwit kanggo tuku bakso, aku ya gelem nggarapke. Yen kowe ana panganan
enak-enak, aku ya sumadia . Apamaneh suk yen kowe wis ana mobil hadhiyah saka bapakmu, aku ya
tambah saya gelem nggarapake PR mu !
Wangsulane Pipit liwat es-em-es: Aku wedi, Har! Mengko dak didukani pak
guru, wong yen nggarapake PRe
kancane ora oleh lan bijine bakal
disuda ning menawa ngajari carane oleh. Harjo
kukur-kukur sirahe. Amarga rumangsa ora bisa nggarap PR Matematika.
“Har aku nyilih sak-es-em-es-an wae,
ya ?” Bejo kepencet pengin kirim es-em-es.
“Kowe arep es-em-es sapa ta Jo?”
pitakone Haryo.
“Es-em-es R
Irit, Har! Oleh, kan ?” krungu wangsulane Bejo kuwi, Genjur
ngguyu kepingkel-pingkel.
“Jo, Bejo! Wong Ririt ora duwe hape
kok arep kokkirim es-em-es!” Guntur
maido.
“Ya ben ta! Iri ta kowe merga aku
arep disilihi hape karo Haryo?”
“sing arep nyilihi kowe sapa?
Kana-kana ngaliha! Ngganggu wong lagi asyik wae!” haryo ngusir bocah loro kuwi
kanthi kejem. Kepeksa Genjur lan Bejo ngalih banjur lungguh jejer nang teras
kelase. Bocah loro kuwi mung bisa nyawang Haryo sing lagi es-em-es-an karo
Pipit. Kamangka, Pipite dhewe lungguh ora adoh saka Haryo. Kira-kira patang
meteran saka panggone Haryo lungguh, Edan ora ?
Genjur wis ngiler pengin duwe hape dhewe. Yen duwe
hape rak penak! Isa es-em-es-an karo nawangsih, adhike wedok Haryo sing
imut-imut kae. Ngono sing ana pikirane Genjur. Mula mulih sekolah kuwi Genjur
langsung mogok mangan. Ing lawang kamare dicentheli kertas wis ditulisi: LAGI MOGOK MANGAN MERGA ORA
DITUKOKKE HAPE!
Ibune genjur sing wis mulih saka dodolan bubur ing pasar ora
nggape. Ibune malah banjur es-em-es bapake Genjur. Pa, Genjur mogok mangan njaluk hape! Pa, Let sedhela ana wangsulan
saka bapake genjur. Togna ae, Ma! Mengko
yen luwe rak nyosor dhewe!
Pancen Ibu lan Bapake Genjur wis padha-padha nyekel hape, sanajan ta hapene sing modhel lawas. Alasane bapak
lan ibune genjur jare ben komunikasi antarane suami lan istri terjalin bisa
terjalin harmonis. Sakliyane kuwi, bapake genjur sing pagaweyane makelaran kuwi
pancen butuh sing jenenge hape kuwi. Amarga transaksi jual-beli luwih penak yen
liwat hape.
Lha yen ibune Genjur sing mung bakul
bubur kuwi kok nggawa hape kanggo apa?
“Ya, kanggo nyervis bojo ta! Yen
sakwayah-wayah bojo mbutuhake rak bisa ngubungi liwat hape. Umpamane pengin
dimasakne sop buntut, apa pengin ditukokake gethuk lindri, utawa liyane, rak
bisa ndang taksiapke”! ngono alasane ibune genjur nalika ana sing takon, dodol
bubur kok nggaya nggawa hape barang?
Nganti bengi kuwi Genjur durung metu
saka kamar. Bapak lan ibune sing wis
ngumpul ana omah wiwit khuwatir. Aja-aja genjur gek….keturon! Lha wong wiwit
awan durung mangan. Yen lara rak mesakake. Apamaneh Genjur kuwi anak lanang
ontang-anting. Yen lara angel tamban-tambanane. Obat saka dhokter ora mempan.
Lagi waras yen wis diombeni banyu godhongan
kulit duren.
Lan, saiki durung usum duren.
Yen nganti lara tenan rak angel nggolekna kulit duren.
“ Njur bocah! Metua nak! Kana mangana
dhisik!” Bapake Genjur nyeluk karo nothog lawang.
“ Wegah yen ora ditukokake hape!
Aku ora arep metu saka kamar saklawase.
Ben kamar iki dadi seksi kekejemane wong tuwaku!” wangsulane Genjur saka njero
kamare karo mewek.
“Ya, wis! Suk yen wis ana rejeki taktukokne! Ning, kowe
latihana dhisik carane nggunakake hape, ya! Wis saiki ndang metua!” Genjur metu saka
kamar kanthi praupan seneng.
“Tenan ta, Pak! Aku latihane nganggo
hapene bapak apa ibu?”
“latihanmu nganggo gambar hape wae,
Njur! Mengko takguntingke gambar hape kanggo latihanmu!”
“Huh, Bapak! Ning, yen ana rejeki
ditukokne tenan lho, Pak!”
“Iya, iya, Njur! Ning kowe mbok sing
ketok modern ta! Mosok nyeluk kok bapak karo ibuk. Nyeluka papa karo mama ngono
lho !”
Esuk kuwi Genjur wis siap mangkat sekolah. Klambi sragam
putih abu-abu wis
dienggo. Sarapan entek rong piring, lawuh sambel kecap ya wis. Wis
siap tempur pokoke! Ning, nalika weruh hapene bapake, eh papane, sing lagi
ngglethak ana meja ruang tamu, jangkahe kandheg. Tolah-toleh ngiwa nengen,
ndhuwur ngisor! Wah, papa karo mamane ora ngerti. Gage wae hape disaut
dilebokake tase terus nggeblas mangkat menyang sekolahan.
Tekan sekolahan ketemu Haryo lan Bejo
sing lagi ngobrol karo Pipit lan Ririt. Kabeh bocah kuwi padha nggawa hape
dhewe-dhewe. Haryo, Pipit, lan Ririt nyekel hape ing tangane. Mung bejo sing
nggawa hapene nganggo cara dikalungna. Kathik hapene modhel hape modhel hape
kanggo mbalang asu kae. Kae lho, hape weton lawas sing guedhe! Mulane lakune
Bejo kok rada mbungkuk. E, jebul kabotan hape, ta? Hi hi hi.
“Aku ya wis duwe hape! Iki lho hapeku!” Genjur
ngetokake hape saka tas banjur dipamerake.
“Hebat kowe, Njur! Hapemu kuwi hape
apik. Mereke Nukiyo, ta!” Pipit ngelem nganti genjur krenggosan saking suenenge
dilem cewek ayu. “Pira nomer hapemu, Njur?”
“Nomer…nomer…nomer hapeku?
Eh, pira, ya? Aku ora apal kok!”
wangsulane Genjur grogi.
“ Wah piye ta? Duwe hape kok ora apal
nomere? Jajal miscallen nomer hapeku!” aloke Haryo.
“Miscall? Apa miscall kuwi,
Har?Hapeku disawatna menyang kowe ngono piye?” Genjur bingung karo
plolang-plolong. Bejo ngguyu kekel.
“Miscall kuwi awakmu ngebela nomer
hapene haryo. Yen hapene Haryo wis
nyaut, hapemu kenselen!” Bejo njelasna kanthi ati bombong, kamangka, Bejo olehe
sinau nggunakake hape ya lagi mau bengi. Iki wae njaluk diajari tanggane nganti
jam papat esuk. Nganti tanggane
misuh-misuh. Lha, piye? Bejo diajari bola-bali ning kok ora nyandhak-nyandhak.
Mulane nganti parak esuk.
Bel tandha mlebu wis muni. Bocah-bocah gage mlebu kelase
dhewe. Pelajaran ing jam pertama kelase Haryo sakanca mau matematika. Gurune
Pak Aljabarun sing kerenge kagila-gila.
“Tolong yang bawa hape, hapenya
dimatikan semua! Disekolah khusus pelajaran saya kalian tidak boleh bawa hape.
Hape dititipkan ke pak Satpam biar aman. Pak Aljabarun ngelingana.
“Eh, har? Piye carane mateni hape?”
Genjur mbisiki Haryo sing lungguh ing bangku ngarepe. Haryo mung gedheg. Semono uga Bejo nalika genjur
takon kanthi bisik-bisik. Genjur dadi bingung. Wedi yen nalika pelajaran hapene
muni. Bisa cilakak tenan!
“Ndang balia, sri! Ndang balia! Aku
lara mikir kowe ana neng ngendi? Ndang balia, sri! Ndang balia! Tega temen kowe
lunga ninggalake aku!” Swara ringtone hapene genjur muni tenan. Kathik banter
sisan. Sakala kabeh mripat nyawang Genjur sing lagi bingung mateni hapene
kanthi mijeti keybode ngawur. Sing kepijet malah tombol kanggo njawab
panggilan. Mula banjur keprungu swarane papane genjur lagi muring-muring saka
hape.
“Genjur! Balekna hapene papa! Nggawa
kok gak omong-omong. Awas, yen ora cepet kokbaleke, sangumu sesasi takstop!”
“Piye carane mateni? Piye iki?
Tulung! Tulung!” genjur mbingungi.
Bocah sakelas ngakak bareng-bareng.
Malah Pak aljabarun ya ora bisa ngempet guyune. Oalah, Njur, Njur! Durung bisa
nggunakake hape kok wis
kesusu kae! Akhire Genjur diukum dening Pak aljabarun. Ukumane, dikongkon
ngeterake hapene papane menyang omah. Ning, ora oleh mlaku biasa. Mlakune kudu
engklek. Hi hi hi!.
(Kapethik saking Panyebar Semangat No 37, tanggal 16 September 2006 kanthi ewah-ewahan )
A. Kawruh tembung
Golekana tegese tembung-tembung ing ngisor iki !
1.
ngetrend :……………………………………………………………
2.
ngganggu :……………………………………………………………
3.
makelar :……………………………………………………………
4.
kejem :……………………………………………………………
5.
praupan :……………………………………………………………
6.
jangkah :……………………………………………………………
7.
kandheg :……………………………………………………………
8.
krenggosan :……………………………………………………………
9.
bombong :……………………………………………………………
10.
ngelingana :……………………………………………………………
B. Wangsulana pitakonan ing
ngisor iki kanthi patitis !
1. Sebutna paraga lan watake cerkak ing dhuwur kanthi dikantheni bukti
kang nuduhake watak iku mau !
…………………………………………………………………………………
…………………………………………………………………………………
…………………………………………………………………………………
…………………………………………………………………………………
…………………………………………………………………………………
…………………………………………………………………………………
…………………………………………………………………………………
…………………………………………………………………………………
…………………………………………………………………………………
…………………………………………………………………………………
…………………………………………………………………………………
……………………………………………………………………………………
…………………………………………………………………………………
………………………………………………………………………………
2. Kepiye
pamilihing tembung kang digunakake ana ing cerkak Hpne Genjur ing dhuwur ?
andharna lan sebutna alasane kanthi bukti kang nyata saka cerkak !
…………………………………………………………………………………
…………………………………………………………………………………
…………………………………………………………………………………
…………………………………………………………………………………
…………………………………………………………………………………
…………………………………………………………………………………
…………………………………………………………………………………
…………………………………………………………………………………
3. Sebutna latar ; papan, wektu, kahanan cerkak
kanthi judhul Hpne Genjur ing dhuwur kanthi dikantheni bukti ukara sing ana
saka cerkak kasebut !
…………………………………………………………………………………
…………………………………………………………………………………
…………………………………………………………………………………
…………………………………………………………………………………
…………………………………………………………………………………
…………………………………………………………………………………
…………………………………………………………………………………
…………………………………………………………………………………
…………………………………………………………………………………
…………………………………………………………………………………
…………………………………………………………………………………
…………………………………………………………………………………
4. Andharna panemumu menawa ana siswa kaya Genjur
?
…………………………………………………………………………………
…………………………………………………………………………………
5. Pesan utawa amanat apa sing ana saka cerkak
Hpne Genjur kasebut ?
…………………………………………………………………………………
…………………………………………………………………………………
Tidak ada komentar:
Posting Komentar